3個保護領口習慣

3個保護領口習慣

大家都知道，人嘅靈魂之窗係眼。醒唔醒神，睇眼就知道。而T-shirt既靈魂 就係個領口。 一旦領口鬆左 , 基本上可以宣佈件tee用黎訓覺 。但領口鬆其實有好多成因 , 簡單改善生活習慣就大大減少呢個問題發生 , 下面等我講解下


1 , 如何正確的脫衣服 ?
發覺好多男仔做法就係一野捉實個領然後用力向上拉 ,呢個動作會破壞領口內布料編織，導致慢慢變得無彈力
以上動作做親一次就扣個領10滴血 , 相反從底開始脫上去 , 雖然個頭都會整到個領 , 但最多扣1,2滴血



2 , 如何正確使用衣架 ?
應由底開始穿上去 , 唔好直接扯開個領然後塞落去(尤其是晾衫時) , 除既時候都要由底部取出
如果係領口扯出 , 以上動作做親一次就扣個領 15滴血


3 , 避免他殺
例如光顧髮型屋前請三思
如果你要剪頭髮 , 就唔好著心儀既tee去 , 去開大部分髮型屋都會係洗頭前拎一個大大條又粗既毛巾 , 然後係領口扯入去 , 呢個動作做親一次就扣個領99滴血


總結
假設個領有100滴血 , 你只要回避呢三個問題 , 自然件tee可以著好耐。小改變，大效益。
*如果真係十分鐘意，手洗就走唔甩