4個打底與Tee分別
相信大家係求學階段都有著過打底衫 (其中一個主要用途係防止飛釘)。由於打底衫越出越好，好多時大家都會唔小心打底衫當tee咁就咁著。其實一個合格嘅打底衫同T-shirt 有4個明顯之處。事不宜遲，等宗SIR同大家講解下
1(用途)
首先係用途上，T- shirt設計係俾大家平時著係出面，會影響到整體外觀感覺。T-shirt除左有純色之外，亦有其他玩法，例如有圖有袋Layer，而打底衫嘅主要用途就係用黎保障面衫安好，用黎隔開身體同面衫，有D似underwear。當我地出汗時，或者分泌體油時，有打底衫隔住，防止面衫SOAK到汗/油，以達到保護效果。咁樣可以避免腋下變黃。
2(長度)
打底衫會比較長，長度一般係belt位對落12-15cm左右，方便SIP完一次唔會鬆出黎。而T-shirt sip 完就要時不時整理下。
3(重量)
同時打底衫會偏輕, 大概係T-shirt 嘅 50%左右，薄同埋貼身，一黎為左舒服，二黎避免出汗，三黎減少對面衫嘅影響。T-shirt為左有個型係度，用料會多D去保持個形狀。
如果你/你男朋友成日飛釘，有可能唔小心打底衫當tee咁就咁著，其次就係size問題
4(袖)
合格打底衫嘅袖會偏短，夠包到腋下就OK，相反T-shirt 袖嘅長度有好多玩法。
總結
所以，以後大家係大汗或者想保護自己心愛嘅面衫時，記得著打底衫。同時隨左訓覺時，千奇唔好將打底衫當面衫著，一黎透，二黎無個T-shirt型，會俾人不修邊幅感覺
留言
張貼留言